زيت الزيتون الاصلي

اخ يا زمن حتى زيت الزيتون غشو والزيتون نفسه ما هاد طعمه مثل الاول ، مع انو صار في الاسباني و واليوناني والايطالي ،، بس ما بسد
فالزيتون وزيت الزيتون الاصلي بنسي الحبيب عن حبيبته ،، واللي مانو مصدق شوفوا شو صار مع عنترة ابن شداد العبسي
،،،،،،،
//حكواتي ميداني //

ولما طلب عنترة ايد عبلة من أبوها ,طلب منو عمه مهر لعبلة ((تنكة زيت زيتون صافي ومتل ما بتعرفوا بالصحرا زيتون مافي ))
جاب البلاد وشاف العباد وسأل الناس الكرام حتى وصل أرض الشام ,,
وقالولوا مالك غير الميدان أرض الخير والزيتون ,ولما دخل الميدان وقف وبسرعة عرف يتصرف واحتراماً للبلدة ,ترجل عن جوادو وقال بيت شعر مفادو :
أنا الذي قطع الصحارى في الليالي ,,,,لا تأخذني لومة لائم ولا أبالي
جئتك يـا ميدان والشوق يسبقني ,,,,وفي أرضك يا ميدان سأحط رحالي
واستقبله أهل الميدان يا سادة يا كرام ,وقالوا لو طلوب وتمنى طلبك عنا ,
قلن بدي تنكة زيت زيتون مهر لعبلة ولسكت عمي ومرتو الهبلة ,
قالوالوا بتضيف عنا تلت ليالي وبعدن طلبك مجاب يا غالي
وأول يوم الصبحية جابولوا فطور كشكية ,,و عالغدا رز وشاكرية ,,والعشا ئلولوا 4 بيضات
بلحمة ولية ,,,قام أخونا عجبتو العيشة الهنية ,ونسي الصحرى والبرية
وتعلق أبو الفوارس بالميدان وكرم أهلها , ونتر قصيدة مطلعة :
يا ااا عبلُه على حبك سامحيني ,,,,ففي الميدان ضالتي وحنيني
قد كنتُ أخطأت في حبك مرة ,,,,وقد أحببت عليك الميدان فاعذريني
وتجوز من الميدان اللي أهلها أشاوس ,وهيك خلصت سيرة أبو الفوارس .
وترك عبلة عم تستنى ((التنكة ))
النسخة الأصلية لقصة عنترة

تعليقات