2011/03/20

أصنعى شموع الحب بنفسك

اول ما نقرأ موضوع عن الشموع نتذكر الرومانسية واول مانرى الشموع نشعر بالرومانسية واول اضاءة للشموع نرى الحب والفرح والبهجة ,اى مناسبة سواء عيد ميلاد او فرح او سبوع مولود  او عشاء هادىء لابد من حضور الشموع ومع التطور الهائل للاضاءة ستظل الشموع هى مصدر الفرح والحب والرومانسية .
ومن هنا نستعرض موضوع كيفية ابتكار واختراع وانتاج الشموع 
نبدأ بالتعرف على خامة تصنيع الشموع
الشمع الخام يباع على شكل قوالب غالبا فى المناطق التى يوجد بها عطارين ..
ويوجد أنواع للشمع منها الردىء ومنها الجيد
الردئ بيكون مائل الى الاصفرار قليلا علشان كدة ممكن استخدامه فى الشمع اللى هنغير لونه بالاخص فى الالوان الداكنه أما إن كانت الالوان المستخدمة فاتحة مثل الاصفر والبنى.....الخ فيستحسن أن يكون الشمع من النوع الجيد ويكون شكله وهو خام مثل الرخام الابيض فهو يميل الى الشفافية (ليس شفافا )

وشكل الشمع الخام الجيد (شمع البرافين)



ونكسره كده


طرق السلامة الواجب مراعاتها عند أستخدام الشموع
1-يستحسن أن تكون الاوانى التى يذاب فيها الشمع لاتستخدم بعد ذالك للطهو حتى لايتعلق شىء بالاوانى فتنتقل المواد الموجودة بالشمع الى الطعام
2- وجود قماشة دائما بجواركم حتى تخمد بها النار لاقدر الله أن اشتعلت
3- الشمع إن سقط على اليد فهو والحمد لله مادة درجة أنصهارها منخفضة لكن يجب وضع اليد تحت الماء مباشرة
4- يجب أن يكون المكان الذى ستوضع فوقه القوالب التى سوف يصب فيها الشمع مستوية
طريقة إذابة الشمعيذاب الشمع كما تذاب الشيكولاتة فيما يعرف (بالحمام المائى) والطريقة المتبعة فى ذالك أن نحضر أناء كبير ونضع بداخلها ماء ثم نضع بداخل الماء علبة من الصفيح يحدد حجمها حسب كمية الشمع المطلوب إذابتها ثم نشعل عليها النار وتترك حتى تذوب تماما
يجب فى الاناء الذى سوف يوضع بداخلة الشمع أن يكون نظيفا حتى لايترك أثر على الشمع



كيفية تلوين الشمع
بعد ذوبان الشمع يتم أضافة اللون الى الشمع تستخدم الالوان الخاص بالشمع وهى بودرة مخصصة لذالك موجودة أيضا عند العطار والبودرة دى يستخدم مقدار ضئيل اوى عشان تركيزها عالى جدا
وعيب البودرة دى حاجتين هى
اولا انها مجرد الالوان الصريحة فقط اصفر برتقالى احمر اخضر ازرق اورنج بنى اسود فقط وممكن تعتمد على انك هتخلطى الالوان
ثانيا ان ممكن عند استخدام جزء كبير منها اللون يغمق علشان كدة الاحسن ان نحط حبة صغيرين خالص ونزود لحد ما نوصل للون اللى عايزينه ولو بتخلط لون زى البمبى مثلا باستخدام الابيض والاحمر ممكن اللون يبوظ منك لو حطيتى حاجة اكتر من حاجة
ممكن استخدام الوان الشمع اللى الاطفال بيلونوا بيها .. انا بستخدمها وناجحة معايا جدا لانى مش بعرف اخلط الوان وايه مع ايه يدينى لون ايه فالظريف فيها ان ممكن تعملى شمع بكل الالوان الغريبة اللى انتى عايزاها
وطبعا درجة تركيز اللون حسب حجم الشمعه يعنى لو شمعه كبيرة هتحطى قلمين مثلا لو شمعه صغيرة ممكن تستخدمى حتة من القلم
بعض أشكال قوالب الشمع- يفضل أن تكون القوالب من الزجاج أو من الالومنيوم حتى تخرج منها الشموع بعد تمام الجفاف بسهولة


دى اشكال من قوالب بس لا اعتقد  انها موجودة هنا فى مصر ولكن ممكن بدالها نستخدم اى شئ مكن علب العصير الكارتون ودى اشكال كتير منها مدور ومربع ومستطيل
وممكن علب الكانز او العلبالتونة الصفيح وجربت اعمل فى قوالب الكيك اللى بتتباع عند بتاع الحلويات ودى ميزيتها انها مفتوحة من الجنبين ويسهل اخراج الشمعه منها
جربت كمان فى الحاجات قوالب  التلج ودى منها  نوعين النوع البلاستيك والنوع اللى زى السيليكون باشكال مختلفة زى الفاكهة جبت منه اشكال كتير على شكل مخلوقات بحريةوفواكه ونجوم
ودة بينفع اوى لتشكيل الشمع الطافى
يمكنكم أستخدام الفناجيل والاكواب وكل شىء فى المنزل يمكن الصب فيه

ارشادات عامة
- ان كانت القوالب من غير الزجاج فتدهن جوانبها بالفازلين أو بالزيت او حتى بالصابون السائل
- يمكن الصب فى القوالب التى تكون ضيقة من أسفل وواسعة من أعلى ومش العكس
- القوالب التى تكون ضيقة من أسفل وواسعة من المنتصف وضيقة من أعلى لايمكن أخراج القالب الشمع منها الا بعد كسرها وكذالك القوالب التى على شكل دائرة
- الفتيل الذى يوضع فى الشمع يكون مخصوص برضة من عند العطارين اللى فى الازهر لكن خيط التنجيد شغال برضة ولما تسيح شمعة ممكن نغطس الفتلة فى الشمعة وهى سايحة عشان الفتلة تبقى من نفس لون الشمعة وكمان تكون ماسكة نفسها شوية
- يتم ربط الفتيل فى قلم أو بنسة شعر أو خشبة صغيرة او حتى اسياخ الشيش طاووك ...ألخ ويتم وضعه على فوهة القالب ويسقط الخيط فى منتصف القالب ( لما تكون الفتلة مغموسة فى الشمعه بتنشف وتبقى سهلة تتظبط فى النص ) زى كدة



خطوات الصنع الاساسية اللى هنمشي عليها فى كل الشموع اللى هنعملها زى دى








وللحديث بقية
1 - قومي بإذابة مادة الشمع في حمام ماء مغلي .




2 - جهزي قوالب معدنية لبدء الخطوات (اتكلمنا عنهم فى اول مشاركة)

3 - اضيفي خيط الشمع في منتصف القالب للشمعة لو خرمتى القالب (وممكن تلزقيه بصمغ)

4 - بعد وضع الخيط في الفتحة المخصصة له ، يربط ويثبت في عصا صغيرة ،وبإمكانك استخدام العيدان المستخدمة لعمل الكفتة .



5 - تغلق فتحة الخيط من أسفل القالب بإحكام، لتفادي أي تسرب للشمع أو تشقق في الشمع. ونصب الشمع


6 - يترك الشمع حتى يبرد قليلاً ويكون طبقة صلبة في الأعلى .



7 - قومي بعمل ثقب بالشمع بعود خشبية إلى عدة فتحات تصل إلى أقل من العمق بشوية ، فهذه الثقوب لها دور في إزالة الهواء المتجمع في صلب الشمع وإزالة يعمل على تقوية قوام الشمعة.



8 - بعد أن تجمد حواف الثقوب ، يعاد تسخين الشمع المتبقي لدرجة حرارة متوسطة ، ثم يصب في الثقوب ، بعدها تترد الشمعة لتجمد كلياً.


9 - بعد أن تجمد تماماً، يوضع القالب أفقيا حتى يسهل إزالتها من القالب .
وللحديث بقية 1

أصنعى شموع الحب بنفسك Rating: 4.5 Diposkan Oleh: نينو جاد

احصائية

جدنا على facebook