سلطة الفاصوليا البيضاء لذيذة جدا




انا اساسا مش بحب الفاصوليا الناشفه بس بقيت باكلها علطول لان طعمها حلو وهيا سلطه
حتجيبي كميه الفاصوليا اللى انتى محتاجها وتسليقها وتحطي عليها ملح وطبعا انتى حتكون نقاعها فى
ميه قبليها بيوم مثلا
بعدين تجيبها بعد ماسلقتيها وتبشري عليها بصله او على حسب مانتى شايفه هيا محتاجه قد ايه بصل
وتجيبي طماطم وتقطعيها زى السلطه بس اصغر من تقطيع السلطه
وكسبره وممكن حمص مسلوق كمان والتوابل بقي كمون وملح وشطه وخل وليمون
لو فى وقت على الاكل ممكن تحطوها فى التلاجه كل مابتكون ساقعه كل مابتكون احلى

يارب تعجبكم ولو محدش عارفها يبقي استفاد بيها


تعليقات